यसअघि संसद बैठकको कार्यसूची तय गर्ने विषयमा सभामुख ओनसरी घर्ती मगरले प्रमुख दलका शीर्ष नेतासँग छलफल गर्नुभएको थियो । सभामुखको कार्यकक्ष सिंहदरबारमा भएको छलफलमा सहमति जुट्न नसकेपछि फेरि बसेको बैठकमा पनि सहमति जुटेन । 

पहिले बजेटका आश्रित विधेयकमाथि छलफल गर्ने कि अविश्वासको प्रस्तावमाथि भन्ने विषयमा दलहरु आआफ्नै अडानमा छन् । बिहीबार बिहान बसेको नेपाली कांग्रेसको संसदीय दलको बैठकले प्रधानमन्त्रीविरुद्धको अविश्वासको प्रस्ताव पारित भएपछि मात्र बजेट प्रस्तावमा छलफल गर्ने निर्णय गर्दै सबै सांसदलाई अनिवार्य उपस्थित हुन पनि निर्देशन दिएको छ ।