छत्रदबको भगवतिमा स्थानीय सभा
बुलन्द संबाददता
असोज २४, अर्घाखँची
एकीकृत ग्रामीण विकास समाज सन्धिखर्कको आयोजनामा छत्रदेब गाउँपालिका ७ भगवतिमा स्थानीय सभा सम्पन्न भएको छ । पारस्परिक जवाफदेहिता परियोजना अर्घाखाँची अन्र्तगत भगवतिमा भएको स्थानीय सभाको बैठकमा वडा स्तरमा भएका शिक्षा, स्वास्थ्य र कृषिको सेवा प्रबाहको अवस्था, समस्या, शुसाशन र जवाफदेहिताको क्षेत्रमा भएका गतिबिधीको बारेमा छलफल भएको थियो ।
स्थानीय सभा अध्यक्ष तथा छत्रदेब गाउँपालिका वडा नम्बर ७ भगवतिका वडाध्यक्ष शोभाखर पाण्डेले पारस्परिक जवाफदेहिता परियोजनाले शिक्षा, स्वास्थ्य र कृषिमा महत्वपूर्ण भूमिका खेलेको बताउनुभयो । पाण्डेले सभामा समय समयमा हुने छपलफल, बहश र अन्र्तक्रियाले सेवा प्रदायक निकायले प्रदान गर्ने सेवामा भएगरेका कमि कमजोरीलाई सच्याउने अवसर प्राप्त भएको बताउनुभयो । उहाँले सेवा प्रबाहको बारेमा जानकारी नै नभएका नागरीकलाई सेवा प्रवाह तथा सुधार गर्नेपर्ने पक्षको बारेमा दिएको सुझाव उपयुक्त हुने बताउनुभयो ।
संस्थाका जिल्ला अध्यक्ष हृदय कुमार भुसालले सुशासन र जवाफदेहिता अभिबृद्धि गर्न सबै पक्ष सचेत र सकारात्मक बन्नुपर्ने बताउनुभयो । भुसालले शुशासन आफैमा जटिल पक्ष भएको भन्दै उहाँले भ्रष्टाचार मुक्त र सभ्य समाज निर्माण गर्न बिधीको शासनलाई आत्मसाथ गर्नुपर्ने बताउनुभयो । वडा सचिव टोपलाल घर्तीले पारस्परिक र जवाफदेहि अरुलाई मात्रै नभई आफु समेत बन्नु जवाफदेहिता रहेको बताउनुभयो ।
वडास्तरमा शिक्षाको अवस्थाको बारेमा जानकारी गराउँदै सरस्वति माबि भुस्खातका प्रध्यानध्यापक ठाकुर प्रसाद पाण्डे तथा जनकल्याण माबि तारुवाका प्रधानध्यापक कबिराम अधिकारीले शिक्षामा पछिल्लो समय समस्या थपिदै गएको बताउनुभएको थियो । शिक्षा क्षेत्रमा बिद्यार्थी संख्या घट्दै जानुका साथै अपेक्षित उपलब्धी हासिल गर्न कठिन हुने गरेको उहाँहरुको भनाई थियो ।
भगवति वडा स्वास्थ्य चौकी इन्चार्ज कमल प्रसाद पाण्डे, कृषि प्राबिधिक प्रकाश घिमिरेले स्वास्थ्य र कृषिको सेवा प्रवाहको अवस्था तथा गतिबिधीको बारेमा जानकारी गराउनुभएको थियो । स्थानीय सभामा स्वास्थ्य चौकी तथा बिद्यालयमा गुनासो पेटिका राख्ने, बिद्यालयमा छात्राबृत्ति पाउने बिद्यार्थीको बिवरण सूचना पार्टीमा टास्ने निर्माणधिन भवनमा होर्डिंग बोर्ड राख्ने सहमति भएको थियो । कार्यक्रमको बिषयवस्तु तथा परियोजनको बारेमा जानकारी गराउँदै कार्यक्रम संयोजक हिरा कुवँरले सभामा उठेका बिषयलाई जिल्ला स्तरीय सरकारी नीजि कार्य समुहमा छलफल गरिने जानकारी गराउनुभयो । सुशासन र जवाफदेहिताको क्षेत्रमा काम गर्ने पारस्परिक जवाफदेहिता परियोजना गुल्मी र अर्घाखाँची जिल्लामा सञ्चालनमा रहेको जिल्ला परियोजना अधिकृत बसन्त श्रेष्ठको भनाई छ । कार्यक्रम स्थानीय सभा अध्यक्ष शोभाखर पाण्डेको अध्यक्षता र बसन्त श्रेष्ठको सञ्चालनमा सम्पन्न भएको थियो
।
।
।
0 comments
तपाइको प्रतिक्रिया दिनुहोस