युवा पलायन रोक्न स्वरोजगार बैंक: मेयर प्रत्यासी भुसाल

बसन्त श्रेष्ठ छापेली
भूमिकास्थान नगरपालिकाका एमाले मेयर प्रत्यासी पिताम्वर भुसालले आफ्नो विजयपछि नगरमा बढ्दो युवा पलायन रोक्न युवा स्वरोजगार बैंकको स्थापना गरि स्थानीय स्तरमै रोजगारी श्रृजना गर्ने बताएका छन्। शनिवार भूमिकास्थान नगरपालिकाको गौंचौरमा आयोजित चुनावी सभालाई सम्वोधन गर्दै भुसालले उक्त कुरा बताएका हुन्। वेरोजगार युवाहरुलाई स्वरोजगार बैंक मार्फत सामुहिक खेती प्रणालीमा संलग्न बनाई नगरको वेरोजगारी र युवाहरुको विदेस पलायन रोक्न सकिने भुसालले बताए।

सोहि कार्यक्रममा भुसालले नगरपालिकाका केहि क्षेत्रमा खानेपानीको समस्या रहेको भन्दै आफ्नो पहिलो प्राथमिकता सम्पूर्ण नगरवासीलाई सफा र स्वच्छ पिऊने पानी उपलब्ध गराउने रहेको जनाए। ‘सफा पानी, बिजुली र स्तरीय सडक नभएको ठाऊँ सहि अर्थमा नगर हुन सक्दैन,’ भुसालले थपे, ‘हाम्रो पहिलो प्राथमिकतामा यीनै क्षेत्रहरु नै छन्।’ नगरको विकासका लागि आफूहरुले एक दिर्घकालिन गुरुयोजना तयार पारेको जनाएका मेयर प्रत्यासी भुसालले गौंचौरको दहमा लिफ्टिंग सिस्टमबाट पानी भर्ने, सत्यदेवी मन्दिरको संरक्षण गर्ने र नगरलाई पर्यटकीय आकर्षणको रुपमा विकास गर्ने विभिन्न योजनाहरु सुनाएका थिए। 
 
चुनावी सभामा एमालेकी उपमेयर प्रत्यासी सुनीता बेल्बासे, वडा नं ९ का एमाले वडाध्यक्ष उम्मेदवार नारायण खनाल, भूमिकास्थानका एमाले नेताहरु प्रेम गैरे, कृष्ण पौडेल, विष्णु आचार्य र महिला नेतृ पवित्रा पौडेल लगायतले सम्वोधन गरेका थिए। उल्लेख्य जनसहभागिताका बीच सम्पन्न उक्त सभा पानी परेका कारण केहिबेर रोकिएको थियो।

Labels: , , ,

0 comments

तपाइको प्रतिक्रिया दिनुहोस

Newer Post Older Post Home