बेनी–जोमसोम सडकखण्ड अन्तर्गत भगवती–२ बैंसरीस्थित सडकखण्डबाट बोलेरो जीप कालीगण्डकी नदीमा खसेको प्रहरीले पुष्टि गरेको छ । शुक्रबारदेखि सशस्त्र प्रहरीको ३० जनाको टोलीले खोजी गरिहेको म्याग्दीका प्रमुख जिल्ला अधिकारी केशवराज आचार्यले बताउनुभयो । सशस्त्र प्रहरी, नेपाली सेना र प्रहरीले खोजी गर्दा समेत बेपत्ता जीप र चालकको अवस्था पत्ता नलागेपछि पोखराबाट पौडी खेल्न सक्ने थप सशस्त्रको टोली बोलाइएको उहाँले जानकारी दिनुभयो ।