सूचना तथा प्रसारण विभाग द.नं :

अर्घाखाँचीमा बालबालिका असुरक्षित ! बाघ मार्न नसकेपछि प्रहरी-प्रशासन माथि ठुलो आक्रोश, सुरक्षा - वन प्रमुखलाई सरुवा र नगर प्रतिनिधिलाई बहिस्कारको माग, बाघ मर्नेलाई ५० हजार रुपैया पुरस्कार          (२०७४ आश्विन १२, विहीवार)

अर्घाखाँचीडट्कम संवाददाता 

सन्धिखर्क, अर्घाखाँची ( अर्घाखाँचीडट्कम) । अर्घाखाँचीमा बाघ आतङ्कले जिल्लावासी त्रसित भईरहे पनि सुरक्षाको प्रत्याभुति दिलाउन असफल भएको भनेर आरोप खेपिरहेको प्रहरी प्रशासन माथि देश - विदेशमा रहेका अर्घाखाँचीबासीले आक्रोश पोखेका छन् । पटक-पटक बाघको आक्रमणबाट अबोध बालबालिकाको ज्यान जाँदा समेत बाघ मार्न प्रशासन लागी नपरेपछि विश्वभरबाट अर्घाखाँचीबासीले सामाजिक संजाल र ईमेल मार्फत प्रहरी प्रशासन माथि ठुलो आक्रोश पोखेका हुन् ।  

बाघ आतंक बढ्दै गएपछि खाचिकोट, ढिकुरा, नुवाकोट, सन्धिखर्क, किमडाँडा लगायतका स्थानिय बासिन्दाले जिल्ला प्रशासन कार्यालयमा गएको ३  वर्ष देखि बारम्बार  जिउधनको रक्षाको लागि आग्रह गरिरहेका छन् । उनिहरुले नरभक्षी बाघलाई पक्रिएर जनताको शान्तिसँग बाँच्न पाउने अधिकार सुरक्षित गर्न माग गरेता पनि जिल्लामा यो अवधिमा कयौ प्रमुख जिल्ला अधिकारी, प्रहरी प्रमुख, वन प्रमुख आए तर ति सबैले जनताको समस्या कहिलै सुनेनन् । 

जनताको समस्या कहिलै नसुनेपछि स्थानियबासीहरुले जिल्लाका प्रमुख जिल्ला अधिकारी, प्रहरी प्रमुख, वन प्रमुखलाई जिल्ला छाडन् माग गरेका छन् । यहाँ जनतालाई सुरक्षाको प्रत्याभुति दिलाउन नसक्नेलाई जिल्लाबाट तुरुन्त सरुवा गराउनु पर्छ; सन्धिखर्क शान्तिबैगचाका एक व्यापारीले भने । यहाँको प्रशासन, प्रहरी जनप्रतिनिधीले जनताको पिडा बुझेनन् । ३ वर्ष होइेन यहाँ १० वर्ष सम्म पनि बच्चाको ज्यान जादै गर्छ यिनीहरुबाट केही हुँदैन । जनता आँफैले बागखोर थापेर बाघ मर्नुपर्छ । अब अती नै भयो । ति व्यापारीले आक्रोश पोखे ।   

समय समयमा बाघ मार्नु पर्ने व्यापक गुनासो आएपछि बाघ मार्नका लागि प्रशासनले २,४ दिन प्रहरी परिचालन गराएता पनि उपलब्धी शुन्य रहेको छ । अर्घाखाँची नेपालको अन्य भेगमा भन्दा बढी बाघले आतङ्क मच्चाएको जिल्ला हो । विधालय आउँदा जाँदा होस् कि साँझ विहान घरको आगनमा खेल्दा होस् यहाँ बच्चाहरुको सुरक्षा छैन ।   

जिल्लामा गएको ३ वर्षको अवधीमा लगभग एक दर्जन बालबच्चाको बाघको आक्रमणबाट ज्यान गएको छ । अर्घाखाँचीको ईतिहासमा यसरी बाघले मानविय क्षती पुराएको पहिलो पटक हो । 

पछील्लो पटक खाचिकोटको भालुखोलामा बच्चा खाएको १५ दिन नहुँदै हिजो बुधवार भुमिकास्थान नगरपालिका वार्ड नम्बर ९ ढिकुरा ढोडेनी-खान्दुलामा आफ्नो घरभन्दा माथि मोटरबाटोमा खेली खेलिरहेको बेला बाघले राम बहादुर सुनार र कमला सुनारका ११ वर्षिय छोरा गोपाल सुनारलाई गम्भिर घाईते बनाएको छ । गत भाद्र २७, मंगलवार सन्धिखर्क नगरपालिका वार्ड नम्बर ७ प्रगतीनगर ( साविक खाचिकोट - ६ भालुखोला बाजाबारी) का रमेश के.सी र निर्मला के.सीका ४ वर्षिय कान्छो छोरो मनिष केसीलाई बाघले खाएको थियो । 

बाघ आतङ्कले जिल्लावासी त्रसित भईरहे पनि सुरक्षाको प्रत्याभुति दिलाउन असफल भएको आरोप खेपिरहेको प्रहरी प्रशासन बाघ मार्नका लागि बिशेष प्रहरी, सेना भदौको अन्त्य तिर २,३ दिन परिचालन गरेता पनि अहिले मौन छ ।  

उता सन्धिखर्क, खाचिकोट, ढिकुरा लगायतका स्थानियबासीले अर्घाखाँचीमा निरन्तर बाघको आक्रमणबाट ठुलो मानविय क्षती भएपछि जिल्लालाई संकटग्रस्त क्षेत्रको घोषणा गर्न माग गरेका छन् । सरकारले बाघलाई पक्रन वा मार्नको निम्ती पहल नगरे गाउँ छाड्न बाध्य हुने उनिहरुको भनाई छ । 

नगरपालिकाका प्रतिनिधिलाई  सम्मान र गाउँ प्रवेशमा रोक र उनिहरु उपस्थित कार्यक्रम बहिस्कार गर्न माग 

उता जनप्रतिनिधहरुले चुनाव जित्न गरेका बाचा अनुरुप १०० दिनको अवधिमा अहिले सम्म केही नगरेपछि स्थानियबासी तथा देश विदेशबाट अर्घाखाँचीबासीले ठुलो आक्रोश पोखेका छन् ।  अर्घाखाँचीबासीले ति सबै जनप्रतिनिधीहरुलाई कुनै पनि संघ- संस्थालाई स्वागत, सम्मान नगर्न अनुरोध गरेका छन् । 

सन्धिखर्कका गाउँ, बजारको अवस्था उस्तै छ। अहिले दसैंसम्म सडक मर्मत, सुधार हुन सकेको छैन् । राजनीतिक प्रतिनिधीहरु सन्धिखर्कमा निर्वाचित भएदेखि अहिलेसम्म झन सुधार, बिकास र जनताको सेवाको लागि केही नै गर्न नसकेको भन्दै सन्धिखर्कका एक स्थानियबासीले गुनासो गरे । 

सन्धिखर्क नगरपालिका वार्ड नम्बर ७ प्रगतीनगर ( साविक खाचिकोट - ६ भालुखोला बाजाबारी) का रमेश के.सी र निर्मला के.सीको वर्ष ४ को कान्छो छोरो मनिष केसीलाई बाघले खाएपछि नगरपालिका मेयर कमल प्रसाद भुसाल, उपमेयर ठाकुर कुमार विक, सन्धिखर्क - ७ का वार्ड अद्क्ष्य प्रितम थापा लगायत पीडितको घरमा पुगेर बाघ आतंकको रोकथाम गरेर छाडने प्रतिबद्धता जनाएपनि सन्धिखर्क बजारको झिलिमिलीमा पुगेपछि बिर्सेका छन् । गाउँको पिडा भुले । गाउँले ति प्रतिनिधिलाई गाउँमा प्रवेशमा निषेध गर्नुपर्ने बताएका छन् ।

सन्धिखर्क नगरपालिका ११ डिभर्नामा आयोजना गरिएको जनप्रतिनिधी सम्मान कार्यक्रममा   

नरभक्षी बाघ मर्नेलाई ५० हजार रुपैया पुरस्कार